အမေး။ ။သူများကို ဂျာဒူ ပြုလုပ်တရ်သူခံစားရမယ်ငရဲကိုပြောပြပေးပါရှင့်,အတင်းပြောသူခံစားရမယ်ငရဲကိုလဲပြောပြပေးပါရှင့် ။.မေးသည်ထဲအမှားပါရင်မာဖ်လုပ်ပါ
အဖြေ။ ။ ဂျာဒူ လုပ်ခြင်း ဂျာဒူလုပ်ခိုင်းခြင်းသည် ဟရာမ် မပြုပိုင်သည့် ကိစ္စ ဖြစ်သည်။
ဂျာဒူပြုလုပ်သည့် အချို့ပုံစံများတွင်မူ လူသားကို အီမာန်ပျက်ပြီး ကာဖိရ်ဖြစ်စေသည်အထိ ရှိပေသည်။
အစ္စလာမ့်နည်းကျ အုပ်ချုပ်သည့် နိုင်ငံဖြစ်လျှင် လူတယောက် ဂျာဒူလုပ်ကြောင်း ခိုင်လုံသည့် သက်သေအထောက်အထားပြနိုင်သည့်အခါ ထိုသူ့ကို သေဒဏ် အပြစ်ပေးရမည်ဟု ပြဌာန်းထားပေသည်။
ထို့ကြောင့် ဂျာဒူလုပ်ခြင်း လုပ်ခိုင်းခြင်းသည် အလွန်ကြောက်စရာကောင်းတဲ့ အပြစ်ဒုစရိုက်ကြီး ဖြစ်တယ်။
အတင်းပြောခြင်းဟာလည်း ကြီးလေးတဲ့ အပြစ်ဒုစရိုက် ဖြစ်သည်။
ကျမ်းမြတ်ကုရ်အာန် နဲ့ ဟဒီးစ်တော်များမှာ အတင်းပြောခြင်းကို တင်းတင်းကျပ်ကျပ် တားမြစ်ထားပြီး သူ့ရဲ့ လောကီ လောကုတ္တရာ ဆိုးကျိုးတွေကို ဖော်ပြထားပါတယ်။
ဥပမာ
အတင်းပြောခြင်း ဟာ
မိမိညီနောင် သေဆုံးပြီးနောက် သူ့အသားကို လှီးစားသကဲ့သို့ ဖြစ်ကြောင်း
အတိုးတကာ အတိုးထဲမှာ အဆိုးဆုံး အတိုးဟာ မိမိညီနောင်ရဲ့ ဂုဏ်သိက္ခာကို ထိခိုက်စေခြင်း ဖြစ်ကြောင်း
အတင်းပြောခြင်းဟာ ဇေနာလုပ်ခြင်းထက် ပိုပြီး အပြစ်ကြီးကြောင်း
နှုတ်မှ ပြောသမျှကို မှတ်တမ်းတင်ထားပြီး.စစ်ဆေးမေးမြန်းခြင်း ခံရမှာ ဖြစ်ကြောင်း
အချင်းချင်း အမုန်းပွားစေသည့်အရာ
ဖြစ်ကြောင်း
စသည်ဖြင့် လာရှိထားပါတယ်။
🍃မောင်လာနာ မပ်က်ဆူးဒ်အဟ်မဒ်ခါးန် (ခ) စည်သူအောင်🍃
🌴ဇင်မင်းထိုက် မျှဝေသည်🌴
No comments:
Post a Comment