သူတော်စင် တစ်ပါးရဲ့ နမားဇ်
တစ်ခါက အေဆွားမ် ဗင်န် ယူစွဖ် (ဘုရင် နုအ်မားန်
ဗင်န် မွန်ဇိရ် ရဲ့ တံခါးမှူး)က ဟဇရသ် ဟာသင်မ်
အလ်အဆွမ်း(မ)(ရဟေ့) ရဲ့ မဂ်ျလိစ်ကို ရောက်လာပြီး
ဟဇရသ် ဟာသင်မ်ကို စောဒက တက်ချင်လာတယ်။
အဲ့ဒါကြောင့် သူက ဟဇရသ် ဟာသင်မ်ကို မေးတယ်။
အေဆွားမ်။ ။အို အဗူ အဗ်ဒိရ် ရဟ်မားန်(ဟဇရသ်
ဟာသင်မ်ရဲ့ ကလောင်အမည်) အသင် နမားဇ်ကို
ဘယ်ပုံဘယ်နည်း ဖတ်ပါသလဲ?
ဟာသင်မ်(ရဟေ့)က သူ့ဘက်ကို မျက်နှာ လှည့်လိုက်ပြီး
သူ့ကို ပြောတယ်။
"နမားဇ် အချိန်ကျပြီ ဆိုတာနဲ့ ကျွန်ုပ်ဟာ မိမိနေရာကနေ
ထတယ်။ပြီးရင် အပြင်ပိုင်းကို အရင်ဆုံး ဝူဇူ သန့်စင်တယ်။
ပြီးရင် အတွင်းပိုင်းကို ဝူဇူ သန့်စင်တယ်။
အေဆွားမ်။ ။အဲဒီ ဝူဇူ သန့်စင်မှု နှစ်ခုက ဘယ်လိုမျိုးလဲ?
ဟဇရသ် ဟာသင်မ်။ ။အပြင်ပိုင်း ဝူဇူ ကတော့ ကျွန်တော်
အစိတ်အပိုင်းတွေကို ရေနဲ့ ဆေးကြော သန့်စင် တာပါ။
အတွင်းပိုင်း ဝူဇူကတော့ သောဝ်ဗဟ်၊ အရှက်နောင်တ၊
လောကရဲ့ အချစ်ကို စွန့်လွှတ်ခြင်း၊ အဖန်ဆင်းခံတွေရဲ့
ချီးကျူးခြင်းကို စွန့်လွှတ်ခြင်း၊ အုပ်ချုပ်လိုစိတ်ကို စွန့်လွှတ်
ခြင်း၊ အညှိုးအတေးကို စွန့်လွှတ်ခြင်း၊ မနာလိုမှုကို စွန့်
လွှတ်ခြင်း ဆိုတဲ့အရာ (၇) ခုနဲ့ ဆေးကြောတာ ဖြစ်တယ်။
ပြီးရင် ကျွန်တော် ဗလီဝတ်ကျောင်းတော်ကို သွားတယ်။
ပြီးတော့ အစိတ်အပိုင်းတွေကို ဖြန့်လိုက်တယ်။
ပြီးရင် ကအ်ဗဟ်ကျောင်းတော်ဘက်ကို မျက်နှာမူတယ်။
ပြီးရင် မျှော်လင့်ချက် နဲ့ ကြောက်ရွံ့ခြင်းရဲ့ ကြားမှာ
မတ်တတ်ရပ်တယ်။
အလ္လာဟ်အရှင်က ကျွန်ုပ်ကို ကြည့်နေတယ်။
ကျွန်တော့်ရဲ့ လက်ယာဘက်မှာ ဂျန္နသ်၊
လက်ဝဲဘက်မှာ ဂျဟန္နမ်၊
ကျွန်တော့်ရဲ့ ကျောနောက်မှာ မလကုလ်မောဝ်သ် ရှိတယ်၊
ပွလ်ဆွေရားသ်ပေါ်မှာ ရပ်နေသကဲ့သို့ ဖြစ်တယ်လို့
(အာရုံပြုတယ်)။
ပြီးတော့ ဒီနမားဇ်က ကျွန်ုပ်နောက်ဆုံး ဖတ်ရတဲ့ နမားဇ်လို့
မှတ်ယူတယ်။
ပြီးမှ နီယသ်ပြုပြီး အလ္လာဟ်အရှင်မြတ်ကို
မြင်နေရဘိသကဲ့သို့ သက္ကဗီးရ် ဆိုတယ်။
(ကုရ်အာန်ကျမ်းမြတ်ရဲ့ အာယသ်တော်တွေကို)စဉ်းစားရင်း
ကေရာအသ် ဖတ်တယ်။ကျို့ငှဲ့စွာနဲ့ ရူကူအ် ပြုတယ်။
ငိုယိုပြီးစဂ်ျဒဟ်ဦးချတယ်။
(ဂရုနာတော်ရဲ့)မျှော်လင့်ချက်နဲ့ သရှဟ်ဟုဒ် ဖတ်တယ်။
အိခ်လားစ်ွနဲ့ စလာမ် လှည့်တယ်။
ဒါက ကျွန်တော် လွန်ခဲ့တဲ့ အနှစ်သုံးဆယ် ကတည်းက
နမားဇ် ဖတ်တဲ့ ပုံစံဖြစ်တယ်။
အဲဒါကို ကြားပြီး (အခုန စောဒက တက်ဖို့ လာတဲ့)
အေဆွားမ်က "ဒီလို နမားဇ်မျိုး ခင်ဗျားက လွဲပြီး
ဘယ်သူက ဖတ်နိုင်ပါ့မလဲ?"လို့ ပြောပြီး ငိုချလိုက်
ပါတော့တယ်။
(ရှိုင်ခ် အဟ်မဒ် ရှဟာဗွဒ္ဒီးန် ကလ်ယူဗီး(ရဟေ့)၏
ကိသားဗုလ် ကလ်ယူဗီးကျမ်း စာ ၅)
အလ္လာဟ်အရှင်မြတ် ကျွန်တော်တို့ အားလုံးကိုလည်း
ဤကဲ့သို့သော အာရုံမျိုးဖြင့် တိကျသေချာသော
နမားဇ် ဝတ်ပြုနိုင်စွမ်း ချီးမြှင့်တော် မူပါစေ။ အာမီးန်။
Saeed Ahmad Khaan
No comments:
Post a Comment