အလ္လာဟ်တစ်ပါးတည်းပဲ နောက်ဆုံး ကျန်မယ်။
အဲဒီနောက် ဒုတိယအကြိမ် ပြန်လည်ဖန်ဆင်းမယ်။
အဲလို ပြန်ဖန်ဆင်းတဲ့အခါ ဟိုးကမ္ဘာဦးအစ
ဘာဘာ အာဒမ်ကနေစပြီး ကေယာမသ်နေ့အထိ
မွေးဖွားလာတဲ့လူတွေအားလုံးပြန်လည် ရှင်ပြန်
ထလာမယ်။
တမန်တော်မြတ် ( ဆွ ) ရဲ့ ညာဘက်မှာ
ဟဇရသ်အဘူဗကရ် ရှိနေလိမ့်မယ်။ဘယ်ဘက်မှာ
ဟဇရသ် အုမ္မရ် ရှိနေလိမ့်မယ်။တမန်တော်မြတ် (ဆွ )
ရဲ့ခြေထောက်အောက်ကနေ ဟဇရသ် ဘေလား
ထလာမယ်။
ခန္ဒာကိုယ်တွေမှာ အ၀တ်အစားပါမှာ မဟုတ်ဘူး။
မိခင်၀မ်းထဲက ထွက်လာတုံးကဘယ်လို ပုံစံလဲ ။ အဲဒီအတိုင်း ဟရှရ်မှာ ရှင်ပြန်ထရလိမ့်မယ်။ ပထမဦးဆုံး ဟဇရသ် အီဗရာဟီးမ် ( အ) ကို အ၀တ်အစား
၀တ်ပေးလိမ့်မယ်။
အလ္လာဟ်အရှင် မိုးကောင်းကင်ကနေ ဆင်းလာမယ်။
ဖရှရ်သာတွေ တန်းစီးနေလိမ့်မယ်။ ဖရှရ်သာကြီး ( ၈ ) ပါး အလ္လာဟ်ရဲ့ အရ်ရ်ှတော်ကိုထမ်းထားလိမ့်မယ်။
တဖက်မှာ ဂျန္တွသ်ကို ယူလာမယ်။ နောက်တဖက်မှာ
ဂျဟန္တွမ်ကို ယူလာမယ်။နောက် ပွလ်ဆွေရသ်တံတားကို ခင်းခိုင်းမယ်။ အဲဒီနောက် မီဇာန်ချိန်ခွင်ကို
ယူလာမယ်။
အဲဒီနောက် အလ္လာဟ် တစ်ယောက်ချင်း
တစ်ယောက်ချင်းကို ခေါ်ပြီးလူတိုင်းရဲ့ လက်ထဲမှာ
စာရင်းစာအုပ်ကို ပေးလိုက်မယ်။
အသင့်ရဲ့ စာရင်းစာအုပ်ကို အသင်ယူပါ။
အသင်ကြည့်ပါ ။ အသင်ဖတ်ပါ။
အဲဒီစာရင်းစာအုပ်ထဲမှာနှမ်းစေ့လောက် ကောင်းတာ
ကို ရေးထားတာလည်းတွေ့ရမယ်။ နှမ်းစေ့လောက်
မကောင်းတာ ရေးထားတာကိုလည်း တွေ့ရမယ်။
ကျနော်တို့ ဒွန္တွယာမှာ လုပ်ခဲ့တာတွေ အားလုံး
တွေ့ရမယ်။
အဲလိုတွေ့ပြီးတော့ ကျနော်လူသား ထိန့်လန့်သွားမယ်။
အိုအလ္လာဟ် ဒီစာအုပ်ဟာ ဘယ်လိုစာအုပ်လဲ။
ဒီစာအုပ်ထဲမှာ ကဗီရာဟ် စွဂီရာဟ် ဂိုနဟ်အားလုံး
ရေးထားတယ်ပါလား။
ကျနော်လူသား အလ္လာဟ်ကို စောဒက တက်မယ်။
အို အလ္လာဟ် . . . . .
မော်လဝီ ဟာဖိဇ် မုဟမ္မဒ် ယူစွတ်ဖ် အိဗ်နေ ယာစီးန်
No comments:
Post a Comment