ကျွန်သူတော်စင် တစ်ပါးအကြောင်း
🌹🌹🌹🌹🌹🌹🌹🌹🌹🌹🌹
ပုဂ္ဂိုလ်တစ်ဦးက ကျွန်တစ်ယောက်ကို ဝယ်တယ်။
ကျွန်က သခင်ကို ပြောတယ်။
ကျွန်တော့်ရဲ့ သခင် ခင်ဗျား!
ကျွန်တော် သခင့်ဆီကနေ အချက်သုံးချက်ကို
တောင်းဆိုပါရစေ။
ပထမ တစ်ချက်က
နမားဇ်အချိန် ကျလာရင် ကျွန်တော့်ကို နမားဇ်ဝတ်ပြု
ခြင်း ကနေ မတားဆီးပါနဲ့။
ဒုတိယ တစ်ချက်က
နေ့အချိန်မှာပဲ ကျွန်တော့်ကို အလုပ်ခိုင်းပါ။ ညအချိန်
မှာတော့ မခိုင်းပါနဲ့။
တတိယ တစ်ချက်က
ဘယ်သူ တစ်ဦးတစ်ယောက်မျှ မဝင်မယ့် အခန်းလေး
တစ်ခန်း စီစဉ်ပေးပါ။
သခင်က အသင် တောင်းဆိုတဲ့ အတိုင်း ရစေမယ်။
ဒီအိမ်ခန်းတွေကို အသင်ကြည့်ပါလို့ ပြောတော့
ကျွန်က အဲဒီ အိမ်ခန်းတွေကို လှည့်ပတ်ကြည့်ပြီး
ချောင်ကျကျ ယိုယွင်းနေတဲ့ အိမ်ခန်း တစ်ခန်းကို
တွေ့ပြီးအဲဒီ အခန်းကို ရွေးလိုက်တယ်။
သူ့သခင်က ဒီယိုယွင်းနေတဲ့ ချောင်ကျကျ နေရာကို
ဘာကြောင့် ရွေးရတာလဲ...? လို့ မေးတော့
ကျွန်က "အိုသခင်! ယိုယွင်းနေတဲ့ နေရာက အလ္လာဟ်
အရှင်မြတ်နဲ့ အတူရှိနေရင် စည်ပင်ဝပျောပြီး ပန်း
ဥယျာဉ်ကဲ့သို့ ဖြစ်သွားသည်ကို မသိလေသလော...?
လို့ ပြန်ဖြေတယ်။ကျွန်က အဲဒီ အိမ်ခန်းလေးမှာ ညဖက်
သွားနေလေ့ ရှိတယ်။
တစ်ညမှာ သခင်ဖြစ်သူက အရက်ဝိုင်းတွေ အပျော်
အပါးတွေ(ပါတီပွဲ)လုပ်နေတယ်။ညဉ့်တစ်ဝက်လောက်
ရောက်တော့အပေါင်းအသင်းတွေ ပြန်ကုန်တော့
မိမိရဲ့ ခြံဝင်းထဲလှည့်ပတ်လျှောက်ရင်း အမှတ်မထင် သူ့ကျွန်ရဲ့ အိမ်ခန်းအရှေ့မှာ ရပ်လိုက်မိတယ်။
ကြည့်လိုက်တော့ နူရ်အလင်းရောင်အပြည့်နဲ့ မီးအိမ်တစ်လုံး ကောင်းကင်ကနေတန်းလန်းကျနေတယ်။
ကျွန်ကတော့ စဂ်ျဒဟ်မှာ မိမိရဲ့အရှင် အလ္လာဟ်
အရှင်မြတ်ထံမှာ ဒိုအာပြု လျှောက်ထားနေတယ်။
သူက "
အိုအရှင်မြတ်! အရှင်မြတ်က နေ့အချိန်မှာ သခင့်ရဲ့
ခေဒ်မသ်ကို ကျွန်တော့်အပေါ်မှာ ဝါဂျိဗ် သတ်မှတ်
ထားပါတယ်။အကယ်၍ သခင့်ရဲ့ ခိဒ်မသ် တာဝန်သာ
မရှိရင်ကျွန်တော်မျိုး အရှင်မြတ်ရဲ့ အပါးတော်မှာပဲ
ခစားမှာပါ။ နေ့အချိန် မခစားနိုင်တဲ့ အကြောင်ပြချက်ကို အရှင်မြတ်လက်ခံပေးတော်မူပါ။" လို့ လျှောက်ထား
လျှက်ရှိတယ်။
သခင်က အဲဒီကျွန်ကို ကြည့်နေရင်း ကြည့်နေရင်း
မိုးသောက်ချိန်ရောက်တော့ မီးအိမ်က ကောင်းကင်ပေါ်
တက်သွားပြီး အမိုးက ပိတ်သွားတယ်။
သခင်က ဒီအဖြစ်အပျက်ကို မိမိရဲ့ ဇနီးကို ပြောပြလိုက်တယ်။နောက်တစ်ည ရောက်တော့ သခင်နဲ့ သူ့ဇနီးက အိမ်ခန်းနားမှာရပ်ပြီး ကြည့်တော့ မီအိမ်က တွဲလောင်း
ကျနေပြီး ကျွန်ကစဂ်ျဒဟ်ထဲမှာ ဒိုအာပြုလျှောက်ထား
ခြင်းထဲမှာ မိုးသောက်ချိန်အထိ ရှိနေတယ်။
ပြီးတော့ သခင်ဇနီးမောင်နှံက ကျွန်ကို ခေါ်ပြီး
"အသင်တောင်းပန် တိုးလျှိူ းနေတဲ့ အရှင့်ဆီမှာ အခစား
ဝင်နိုင်ဖို့ အလ္လာ့ဟ်အတွက် အသင် ကျွန်ဘဝက
လွတ်ပြီး သူကောင်း ဖြစ်သွားပြီ" လို့ ပြောပြီး သူတို
မြင်လိုက်ရတဲ့ အဲဒီကျွန်ရဲ့ ကရာမသ်တွေကိုပါ
ပြောလိုက်ကြတယ်။
အဲဒီ စကားတွေကို ကြားတော့ သူက မိမိရဲ့ လက်ကို
မြှောက်ပြီး "အိုအရှင်မြတ်! ကျွန်တော့်ရဲ့ လျှိူ့ဝှက်ချက်ကိုမဖော်ပြဖို့ အရှင်မြတ်ဆီမှာ တောင်းခံခဲပါတယ်။
အခုအရှင်မြတ်က ကျွန်တော့်ရဲ့ အခြေအနေမှန်ကို
ဖော်ပြပေးလိုက်ပြီး ဖြစ်တဲ့အတွက် ကျွန်တော်မျိုးကိုသာရုတ်သိမ်းလိုက်ပါတော့"လို့ ဒိုအာ လုပ်လိုက်တယ်။
ချက်ချင်းပဲ လဲကျပြီး အလ္လာဟ်အရှင့် အမိန့်တော် ခံယူ
သွားပါတော့တယ်။(ရဟိမဟုလ္လားဟ်)
(ရှိုင်ခ် အဟ်မဒ် ရှဟာဗွဒ္ဒီးန် ကလ်ယူဗီး(ရဟေ့)၏
ကိသားဗုလ် ကလ်ယူဗီးကျမ်း စာ ၃)
သင်ခန်းစာ။ ။
၁။ ။ရှေးယခင်က ကျွန်တွေထဲမှာလည်း အာဗိဒ်
(အိဗာဒသ်မှာ မွေ့လျော်သူ)တွေ ရှိခဲ့ကြတယ်။
၂။ ။အလုပ်ကြမ်းတွေ လုပ်နေရတဲ့ကြားက အချိန်
ထုတ်ပြီး အေဗာဒသ် လုပ်လေ့ရှိကြတယ်။
ကျွန်တော်တို့က အားမှ စိတ်ပါမှ အေဗာဒသ် လုပ်
လေ့ရှိကြတယ်။ဒါဟာ မှားယွင်းနေတဲ့ အချက်ဖြစ်တယ်
၃။ ။သူတော်စင်တွေက မိမိတို့ရဲ့ ကရာမားသ်တွေကို
ဖုံးကွယ် ထားလေ့ရှိကြတယ်။ကျွန်တော်တို့က မရှိ
ရှိတာကို မရမက ထုတ်ပြတတ်ကြတယ်။
၄။ ။မည်သူ့ကိုမျှ အထင်မသေးရ။မျက်နှာမွဲတွေ၊
သူဆင်းရဲတွေ၊ ကျွန်တွေ၊ အလုပ်သမားတွေ အစရှိတဲ့
အောက်ခြေ လူတန်းစားတွေထဲမှာလည်း သူတော်စင်တွေရှိကြတယ်။
အလ္လာဟ်အရှင်မြတ် ကျွန်တော်တို့ အားလုံးကိုလည်း
အတုယူ အမလ်လုပ်နိုင်တဲ့ သောဝ်ဖီးင် ချီးမြှင့်တော်
မူပါစေ။ ။အာမီးန်
Saeed AhmadKhaan
No comments:
Post a Comment