ဖရဇ်နမာဇ် ရဲ့နောက်မှာ အိဂျ်သိမာအီ (အားလုံးတူတူစုပြီး)ဒုအာတောင်းချင်းပိုင်ပါသလား
ဖရဇ် နမာဇ်ပြီးနောက် တောင်းတဲ့ဒုအာသည် ကဗူလ် ပြုခြင်း ခံရတဲ့ အချိန်များအနက်မှ အချိန်တချိန်ဖြစ်သည်
عن أبي إمامة رضي الله عنه قال: قيل لرسول الله صلى الله عليه وسلم: أي الدعاء أسمع؟ قال «جوف الليل الآخر ودبر الصلوات المكتوبات».
တမန်တော်ကို ပုဂ္ဂိုလ်တယောက်မေးတယ်
ဘယ်ဒုအာက အလ္လာဟ့်ထံတော်ပါးမှာ ကဗူလ် အဖြစ်ဆုံးလဲ
တမန်တော်အဖြေပေးတော်မူသည်မှာ
ညရဲ့ နောက်ဆုံးယံ မှာ တောင်းတဲ့ဒုအာ
ပြီးနောက် ဖရဇ်နမာဇ်ပြီးတဲ့အချိန်တောင်းတဲ့ဒုအာ ဖြစ်တော်မူတယ်
ထိုနည်းတူစွာ ဟဒီဆ်တော်တွေအမြှောက်အများလာရှိလေသည်
ကုရ်အာန်အာယသ်ဖြစ်တဲ့{فَاِذَا فَرَغْتَ فَانْصَبْ
အသင်ပြီးသွားပြီဆို ကောင်းစွာ ကြိုးစား အားထုတ် ပါ
ထိုအာယသ်ရဲ့ သဖ်စီရ် (အကျယ်ရှင်းလင်းချက်) ကို အဗ်ဒ် ဘင်န် ဟုမိုင်ဒ်
အိဗ်နေ ဂျရီးရ် အိဗ်နေ မွန်ဇိရ်
အိဗ်နေ အဘီ ဟာသင်မ် အစရှိတဲ့ပုဂ္ဂိုလ်များက ဟဇရသ် အိဗ်နေ အဗ္ဗာစ် ရဲ့ စနဒ်(ဆင့်ကဲ)မှ အောက်ပါအတိုင်း သဖ်စီရ် ပြုလုပ်ကြသည်
အသင်နမာဇ်ကနေ ပြီးဆုံးသွားရင် ဒုအာဆုမွန်တောင်းခြင်းဖြင့် ကြိုးစား အားထုတ်မူ့ပြုပါလေ
ထိုနည်းတူစွာ ဟဇရသ်အိဗ်နေ မဆ်အူးဒ်
ဟဇရသ်မုဂျာဟိဒ် ဟဇရသ်ကဒါဒဟ်
ဟဇရသ် ဒွက်ဟ်ဟာက် အစရှိသော ပုဂ္ဂိုလ်တွေထံကနေလည်း فَاِذَا فَرَغْتَ فَانْصَبْ ထိုအာယသ်ရဲ့သဖ်စီရ်ကို
အသင်နမာဇ်ကနေ ပြီးဆုံးသွားရင် ဒုအာဆုမွန်တောင်းခြင်းဖြင့် ကြိုးစား အားထုတ်မူ့ပြုပါလေ ဟု ပြုလုပ်ထားလေသည်
ထိုနည်းတူစွာ နှစ်ဘဝသခင်ကျေးဇူးတော်ရှင်တမန်တော်မြတ်ကြီး (စွလ္လလ္လာဟုအလိုင်ဟိဝစလ္လမ်) ဒုအာတောင်းသောအခါ လက်မြှောက်ပြီး တောင်းလေ့ရှိသည်
أنَّ النَّبِيَّ صَلَّى اللهُ عَلَيهِ وَسَلَّمَ كَانَ إِذَا دَعَا فَرَفَعَ يَدَيهِ مَسَحَ وَجْهَهُ بِيَدَيهِ
ထိုနည်းတူစွာ ဒုအာတောင်းနေစဉ် အာမီန်ဟုဆိုခြင်းမှာလည်း ဟဒီစ်နဲ့ အတည်ဖြစ်ထားလေသည်
اِنَّ مِن آدابِ الدُّعاءِ تأمينَ الْمُستَمِع
တမန်တော်မြတ်(စွလ္လလ္လာဟုအလိုင်ဟိ ဝစလ္လမ်)
ဖရဇ်နမာဇ်ပြီး ဒုအာတောင်းခြင်းနဲ့ပတ်သက်ပြီးလည်း မြှောက်များစွာသော စွဟာဗာ တွေထံကနေ ဆင့်ပြန်ချက်တွေလာရှိတယ်
အနှစ်ချုပ်အနေနဲ့ ပြောရမည်ဆိုပါက
ဖရဇ်နမာဇ်ပြီး အိမာမ်ရဲ့နောက်ကနေ အာမီန် အာမီန် လို့ ဆိုပြီးဒုအာလုပ်ခြင်းကို အရေးကြီးတယ်လို့ မသတ်မှတ် ရဖူး
မတောင်းပဲထသွားတဲ့သူကို ရှုံ့ချတဲ့ အကြည့်နဲ့ မကြည့်ရဖူး
အိမာမ် ဒုအာစတောင်းတာနဲ့ ကိုယ်လည်း လိုက်တောင်းရမယ် အိမာမ်ပြီးတာနဲ့ ကိုယ်လည်းပြီးရမယ်လို့ မသတ်မှတ်ထားရဖူး
အိမာမ်တောင်းတာက်ု အာမီန် လိုက်လို့ရသလို
ကိုယ့်လိုအပ်ချက် ကိုယ်တောင်းတာသည်ပို ကောင်းတယ်
ကိုယ့်လိုအပ်ချက် ကိုယ်တောင်းပြီး အိမာမ်မပြီးသေးလည်း ထသွားခွင့်ရှိတယ်
အိမာမ်ပြီးသွားလို့ ကိုယ့်လိုအပ်ချက် ကိုယ်တောင်းတာမပြီးသေးဖူးဆိုလည်း ဆက်တောင်းလို့ရတယ်
အိမာမ်အနေနဲ့ တိုးတိုးတောင်းတာ ပိုမြတ်တယ်
တခါတလေ သအ်လီမ် (သင်ပေးဖို့ဆိုတဲ့)နိယသ်နဲ့ ကျယ်ကျယ်တောင်းခွင့်ရှိတယ်
အိမာမ်ရဲ့ နောက်က အိမာမ်နဲ့အတူ ဒုအာတောင်းတာကို ဗိဒ်အသ် လို့ သတ်မှတ်လိူ့မရပါ
တခုပဲ ဒါက်ု အရေးကြီးတဲ့ စွန္နသ်လို့ မသတ်မှတ်ရဖူး
စာရှည်သွားမည်ကို ရှေးရှု့ပြီး
အတိုချုံ့ပြီးရေးသားလိုက်ရခြင်းဖြစ်တယ်
التحفة المرغوبه في افضلية الدعاءبعدالمكتوبه
အမည်ရှိ ရိစာလာ တခုမှ ကောက်နှုတ်တင်ပြခြင်းဖြစ်သည်
Myo Thu
No comments:
Post a Comment