☞☞ခံစားချက်ထပ်တူကျတဲ့ပို့စ်လေးတစ်ခု☜☜
✧✧သင်ခန်းစာတွေမှာ ဗယာန်တွေမှာ ✧✧✧
*** စကားဝိုင်းတွေမှာအလွှာအသီးသီးက ***
### မိတ်ဆွေတွေကိုတင်ပြဖူးပါတယ် ###
အလ္လာဟ်အရှင်မြတ်သခင်ဤဆောင်းပါးရှင်ကို
မိမိဂုဏ်တော်အရှိန်အဝါနှင့်အညီကောင်းမြတ်သော
အစားပေးသနားတော်မူပါစေ။
ဒီလိုအများအတွက်ကောင်းကျိုးဖြစ်ထွန်းမဲ့ပို့စ်မျိုး
လူအများထံအရောက်ပို့ဖို့ရှဲပေးကြပါ
Fb ပေါ်တွင်သာမဟုတ်ပဲ လက်တွေ့ကျကျ
တောင်းဆိုအကောင်ထည်ဖော်ဖို့ဆွေးနွေးတိုင်ပင်ကြပါ
အင်န်အာမွလ်ဟစန် အတ်စ်အဒီ၊ဖွာရူကီ
"ဗလီမူတွေ ချိန်းပေးပါ"
ဂေါပကတွေကို ခန့်အပ်ထားတာ နမာဇီတွေအဆင်ပြေဖို့နဲ့ ဗလီဝတ်ကျောင်းတော် ထိန်းသိမ်းစောင့်ရှောက်ရုံ အတွက်ပဲဆိုရင် အဲ့လောက်က ဘောစိဟာဂျီဆပ်တွေ ပညာတတ်တွေ မလိုဘူး။ သာမန်လူတွေကို ခန့်အပ်ထားလည်း အဆင်ပြေတယ်။ ဒါပေမဲ့ ဘယ်နေရာရောက်ရောက် ဗလီဂေါပကတွေကို ကြည့်လိုက်ရင် မြို့မျက်နှာဖုံးတွေချည်းပဲ တွေ့ရတယ်။ တက်ပြီးရင်လည်း တော်ရုံနဲ့ ပြန်မဆင်းကြတော့ဘူး။ ဖြုတ်ချဖို့ တော်လှန်ဖို့ဆိုတာလည်း လက်ဖက်ရည်ဝိုင်းမှာ အလ္လာပသလ္လာပပြောတဲ့အချိန်သာ အားစလျှာစကောင်းကောင်းနဲ့ ပြောချင်ကြတာ။ လက်တွေ့ကျကျ လုပ်ပါဆိုရင် ကိုယ့်ဝမ်းရေးလောက် ဘယ်သူမှ စိတ်မဝင်စားကြဘူး။ အဲ့ဒီတော့ အဲ့ဒီနေရာတွေမှာ ရာသက်ပန်ထိုင်နေကြတဲ့ ဂေါပကတွေကို ကျွန်တော်တို့ တောင်းဆိုရမှာက "ခင်ဗျားတို့အရည်အချင်းနဲ့ညီတဲ့ လုပ်ငန်းမျိုးတွေ ဗလီတွေမှာ ဆောင်ကျဉ်းပေးခိုင်းပါ။ နမားဇ်ငါးကြိမ်ဖတ်နိုင်ဖို့ စီမံပေးနေတာတွေ၊ ဗလီဝေယျာဝစ္စလုပ်နေတာတွေက ခင်ဗျားတို့အရည်အချင်းနဲ့ မညီမျှဘူး။ အဲ့လောက်လေးနဲ့ ကျွန်တော်တို့ မတင်းသိမ်သင့်တော့ဘူး" ဒါ ကျွန်တော်တို့ဘက်က တောင်းဆိုရမယ့်အချက်ပါ။
ဒီဗလီတွေကို ဘာဖြစ်စေချင်လဲ။
နမားဇ်ဖတ်ရုံသက်သက် ဌာနတွေမဟုတ်ဘဲ Islamic Community Canter တွေအဖြစ် ပြောင်းလဲပေးပါ။ ဆင်းရဲသားလူတန်းစားတွေအတွက် လူမှုဖူလုံရေးဌာနတွေ ဖြစ်စေချင်တယ်။ ဒီပရက်ရှင်ဝင်နေသူတွေကို ပညာရှင်တွေခေါ်ပြီး ကောင်းစလင်းလုပ်ပေးစေချင်တယ်။ မွတ်စ်လင့်မ်အိမ်တွင်းရေး ပြဿနာတွေကို ဖြေရှင်းပေးစေချင်တယ်။ အကူအညီလိုနေသူတွေကို လိုအပ်သလိုစိစစ်ပြီး ပရဟိတတွေ လုပ်ပေးစေချင်တယ်။ အိမ်တွေမှာ အသုံးမလိုတော့တဲ့ ပစ္စည်းတွေကို လိုအပ်သူတွေကို ပေးကမ်းနိုင်အောင် ဗလီကနေတဆင့် စီစဉ်ပေးစေချင်တယ်။ သားရေးသမီးရေးကိစ္စတွေအတွက် နှစ်ဖက်အသိုင်းအဝိုင်းက စုံစမ်းချင်တဲ့ အချက်အလက်တွေ ဗလီတွေမှာ ရီကော့ဒ်ရှိစေချင်တယ်။ နိကာဟ်ဝလီမဟ်ကိစ္စတွေကို တရားတော်နဲ့အညီ စရိတ်စကအသက်သာဆုံးနဲ့ ကုန်ကျစရိတ်အနည်းဆုံးဖြစ်အောင် ဗလီနဲ့ဗလီခန်းမတွေမှာပဲ စီစဉ်ကြဖို့ နှိုးဆော်ပေးရမယ်။ သဘာဝဘေးအန္တရာယ်တွေ ကျရောက်လာတိုင်း လူမှုကယ်ဆယ်ရေးလုပ်ငန်းတွေ ပြန်လည်းထူထောင်ရေးအစီစဉ်တွေကို ဗလီတွေကနေ စတင်ရမယ်။ ဗလီတွေနဲ့ တွဲဖွင့်ထားတဲ့ ဘာသာရေးကျောင်းတွေကို အချိန်ပိုင်းလောက် မဟုတ်ဘဲ တစ်နေကုန် ဖွင့်လှစ်သင်ကြားနိုင်ဖို့ စီစဉ်ပေးရမယ်။ အဲ့ဒီကျောင်းတွေမှာ ဘာသာရေးပညာကော ခေတ်ပညာတွေကိုပါ တွဲဖက်သင်ကြားပေးနိုင်တဲ့ ဆရာ/ဆရာမတွေ စီစဉ်ပေးရမယ်။ ဂျာမေဗလီစာရင်းဝင် ဗလီကြီးတွေမှာ စာကြည့်တိုက်တွေရှိစေချင်တယ်။ ဒွန်ယာအာခိရသ် အကျိုးဖြစ်ထွန်းစေမယ့် စာအုပ်စာပေကောင်းတွေ လေ့လာလို့ရရမယ်။ ဒါ ကျွန်တော်စဉ်းစားမိသလောက် ချရေးထားတာတွေပါ။
ဗလီတွေကို နန်းတော်လို ဆောက်လုပ်နေတာ ပြင်ဆင်ချယ်သနေတာတွေ တအားများသွားပြီ။ ဗလီအိမ်သာတွေကို ကြွေပြားကပ်နေတာတွေ၊ ကောင်းပေ့လှပေ့ဆိုတဲ့ ကော်ဇောကြီးတွေ ကတ္တီပါအခင်းတွေ မီးဆိုင်းကြီးတွေ အလှဆင်မီးတွေ အဲယားကွန်းတွေအတွက် အများမွတ်စ်လင်မ်သုံးစွဲခဲ့တဲ့ ငွေကြေးတွေက ဘီလျံချီနေပြီ။ အဲ့ဒါတွေက လှူဒါန်းသူတွေအတွက်ပဲ လောက်လောက်လားလား အာခိရသ်အကျိုးဖြစ်ထွန်စေပြီး အများမွတ်စ်လင်မ်အတွက်ကတော့ ဘာမျှသိပ်မထူးခြားတာ တွေ့ရတယ်။ ဒီကြားထဲ ဘာသာရေးပဋိပက္ခဖြစ်ရင် မသမာသူတွေ ယုတ်မာသူတွေလာပြီး ရိုက်ချိုးဖျက်ဆီးသွားရင် ပိုဆိုးရော။ အကုန်သဲထဲရေသွန် ဖြစ်ကုန်ရော။ အဲ့ဒီတော့ ဒါတွေမလုပ်ရတော့ဘူးလားဆိုတော့ လုပ်ပါ မတားပါဘူး။ ယခင်သုံးစွဲခဲ့သလောက်ပဲ ဆက်ပြီးလှူဒါန်းကြပါ။ ဒါပေမဲ့ အလှူရှင်ခွင့်ပြုချက်နဲ့ အဲ့ဒီငွေတွေထဲက တဝက်လောက်ကိုပဲ ဗလီတည်ဆောက်ရေးမှာသုံးပြီး ကျန်တဝက်ကို အပေါ်ကပြောခဲ့တဲ့ လုပ်ငန်းတွေမှာ သုံးစွဲစေချင်တယ်။ အဲ့ဒါက အာခိရသ်အတွက်လည်း အကျိုးဖြစ်စေသလို ဒွန်ယာမှာလည်း လက်တွေ့အကျိုးပြန်ခံစားရမယ့် ရင်းနှီးမြှုပ်နှံမှုပဲ။ အထူသဖြင့် ကျွန်တော်တို့ဗလီတွေကို သရုပ်ဖျက်ပုံဖော်ပြီး အများပြည်သူကို မှိုင်းတိုက်နေတဲ့ ဒေသမျိုးက ဗလီတွေမှာ ဒီလိုလုပ်ငန်းတွေက ပိုတောင်လုပ်ပြသင့်တယ်။
ဒါတွေဘယ်သူလုပ်မလဲ။
ထိုင်ခုံနေရာယူပြီး ပြန်မဆင်းချင်တဲ့ ဂေါပကတွေကို လုပ်ခိုင်းပါ။ ဒါ သူတို့အရည်အချင်းနဲ့ညီတဲ့ အလုပ်တွေပဲ။ သူတို့ကိုယ်တိုင်မလုပ်ရင်တောင် ဗလီတွေမှာလုပ်ဖို့ ခွင့်ပြုပေးလိုက်ပါ။ လိုက်လုပ်ပေးမယ့်ပညာရှင်တွေ လုပ်အားပေးလူငယ်တွေ အများကြီး ကိုယ့်ထမင်းကိုယ်စားပြီး လာလုပ်ပေးကြလိမ့်မယ်။ အဲ့ဒီကနေတဆင့် ကျွန်တော်တို့လိုချင်တဲ့ ကိုယ်ပိုင်ကျောင်းတွေ ကိုယ်ပိုင်ဆေးရုံတွေအထိ လမ်းကြောင်းတွေ ဖွင့်ထုတ်နိုင်ပါတယ်။ အဲ့ဒီအချိန်ရောက်ရင် ဘာသာပေါင်းစုံနဲ့ ဆက်ဆံခွင့်ရပြီး ဒအ်ဝသ်လုပ်ငန်းလည်း အော်တိုဖြစ်လာကြလိမ့်မယ်။ အဓိကကျွန်တော်တို့အလုပ်က ကိုယ့်ကွန်မြူနီတီကနေ အစပြုခဲ့တယ်ဆိုပေမယ့် လူမျိုးဘာသာမရွေး အများသူငှာအကျိုးဖြစ်စေမယ့် ပန်းတိုင်အထိ ရောက်နိုင်ရမယ်။ အဲ့ဒါမှလည်း သရုပ်ဖျက်ခံထားရတဲ့ အစ္စလာမ့်ပုံရိပ်ကို ပြန်အဖက်ဆယ်နိုင်မယ်လို့ ယုံကြည်ပါတယ်။
ကျွန်တော်ပြောတဲ့ "ဗလီမူတွေ ချိန်းရမယ်" ဆိုတဲ့ခေါင်းစဉ်အောက်မှာ အသစ်တစ်ခုမှ ပြောထားတာ မရှိဘူး။ နှစ်ပေါင်း ၁၄၀၀ အရင်က မဒီနာက တမန်တော်မြတ် (ဆွ) ဗလီဝတ်ကျောင်းတော်မှာ ဒါတွေအားလုံး ရှိခဲ့တယ်။ အဲ့ဒီလွမ်းမောဖွယ်ရာ ကြီးကျယ်ခမ်းနားတဲ့ အတိတ်တွေကို ကျွန်တော်တို့စွှန့်ပြီး ဗလီတွေကို အိဗာဒသ်လုပ်ရုံသက်သက် အဆောက်အအုံတစ်ခုပဲလို့ သတ်မှတ်လိုက်တဲ့ နေ့ကစပြီး ကျွန်တော်တို့ဗလီပုံရိပ်တွေလည်း တဖြေးဖြေးချင်းကျဆင်းလာတော့တာပဲ။ အဲ့ဒါတွေကို ပြန်ဖော်ထုတ်ကြပါ။ ဆေးသုပ် ကြွေပြားကပ် အိမ်သာဆောက် ကော်ဇောခင်းရုံအတွက်ပဲ ငွေသုံးကြမ်းနေတာတွေ ရပ်သင့်ပြီ။
အခုလို ပြောင်းလဲခြင်းအားဖြင့် နောက်ဘာအကျိုးဖြစ်နိုင်လဲဆိုရင် အခု ကျွန်တော်တို့ အားမလိုအားမရဖြစ်နေတဲ့ ဘာသာရေးအဖွဲ့အစည်းတွေကို တွန်းအားပေးသလို ဖြစ်လာလိမ့်မယ်။ အခုသူတို့လုပ်နေတဲ့ လုပ်ငန်းတွေလောက်ကို ကျွန်တော်တို့ ဗလီကွန်မြူနီတီလောက်နဲ့လည်း လုပ်ပြနိုင်တယ်ဆိုတဲ့အသိက သူတို့ကိုအရှက်ရအောင် လုပ်လိမ့်မယ်။ အဲ့ဒါကို မခံချင်စိတ်ရှိတဲ့အဖွဲ့အစည်းက ပြောင်းလဲချင်သပါ့ဆိုရင် အလဟမ်ဒုလိလ္လာဟ်။ အေ ဂရုမစိုက်ဘဲ နဂိုအတိုင်းဒုံရင်းက ဒုံရင်းပဲဆိုရင်တော့ သူ့ဟာသူ အပယ်ခံဘဝရောက်သွားမှာတော့ အသေအချာပဲ။ အဲ့ဒီတော့ ဒီအဖွဲ့အစည်းတွေကို အပြောင်းအလဲလုပ်ပေးပါလို့ တောင်းဆိုနေကြမယ့်အစား ကျွန်တော်တို့ကိုယ်တိုင် လက်လှမ်းမီတဲ့ ဗလီတွေကနေ အပြောင်းအလဲကြီးတစ်ရပ် စတင်လိုက်ကြရအောင်။
Copy to
Crd✍️ မောင်မြင့်မြတ်
No comments:
Post a Comment