ဗလီ မူတွေ ချိန်းပေးပါ
ဂေါပကတွေကို ခန့်အပ်ထားတာ နမာဇီတွေ
အဆင်ပြေဖို့နဲ့ ဗလီဝတ်ကျောင်းတော် ထိန်းသိမ်း
စောင့်ရှောက်ရုံ အတွက်ပဲဆိုရင် အဲ့လောက်က
ဘောစိဟာဂျီဆပ်တွေ ပညာတတ်တွေ မလိုဘူး။
သာမန်လူတွေကို ခန့်အပ်ထားလည်း အဆင်ပြေတယ်။
ဒါပေမဲ့ ဘယ်နေရာရောက်ရောက် ဗလီဂေါပကတွေကို
ကြည့်လိုက်ရင် မြို့မျက်နှာဖုံးတွေချည်းပဲ တွေ့ရတယ်။
တက်ပြီးရင်လည်း တော်ရုံနဲ့ ပြန်မဆင်းကြတော့ဘူး။
ဖြုတ်ချဖို့ တော်လှန်ဖို့ဆိုတာလည်း လက်ဖက်ရည်ဝိုင်းမှာ အလ္လာပသလ္လာပပြောတဲ့အချိန်သာ အားစလျှာစ
ကောင်းကောင်းနဲ့ ပြောချင်ကြတာ။ လက်တွေ့ကျကျ
လုပ်ပါဆိုရင် ကိုယ့်ဝမ်းရေးလောက် ဘယ်သူမှ
စိတ်မဝင်စားကြဘူး။
အဲ့ဒီတော့ အဲ့ဒီနေရာတွေမှာ ရာသက်ပန်ထိုင်နေကြတဲ့
ဂေါပကတွေကို ကျွန်တော်တို့ တောင်းဆိုရမှာက
ခင်ဗျားတို့ အရည်အချင်းနဲ့ညီတဲ့ လုပ်ငန်းမျိုးတွေ
ဗလီတွေမှာ ဆောင်ကျဉ်းပေးခိုင်းပါ။
နမားဇ်ငါးကြိမ်ဖတ်နိုင်ဖို့ စီမံပေးနေတာတွေ
ဗလီဝေယျာဝစ္စလုပ်နေတာတွေက ခင်ဗျားတို့
အရည်အချင်းနဲ့ မညီမျှဘူး။ အဲ့လောက်လေးနဲ့
ကျွန်တော်တို့ မတင်းသိမ်သင့်တော့ဘူး။
ဒါ ကျွန်တော်တို့ဘက်က တောင်းဆိုရမယ့်အချက်ပါ။
မောင်မြင့်မြတ်
မုဟမ္မဒ် ယူစွတ်ဖ် - ဇီးကုန်းပြန်လည်မျှဝေပါသည်။
No comments:
Post a Comment