****************
မြတ်ရစူလ် (ဆွ)သည် ဗိုင်သွတ်လ်မိုကဒ်ဒတ်စ်တွင် နမားဇ် ဝတ်ပြု ပြီးနောက် ဗလီအပြင်သို့ ထွက်လာတဲ့အခါ ဟဇရသ်ဂျစ်ဗရအီးလ်(အ)က အရက် ခွက်ရယ် ပျားရည်ခွက်ရယ် နို့ခွက်ရယ် ယူဆောင်လာပြီး ဆက်သတယ်
ကိုယ်တော်မြတ်(ဆွ)က နို့ခွက်ကိုပဲ ရွေးချယ်တော်မူလိုက်တယ်
အဲဒီအခါမှာ ဟဇရသ်ဂျစ်ဗရအီးလ် (အ)က လျှောက်ထားတယ်:ကိုယ်တော်ဟာ ဖစ်သ်ရသ် ဓမ္မတာ တရား(လူသားများကို အလ္လာအသျှင်မြတ် ဖန်ဆင်းထားသော ဗီဇသဘာဝနဲ့ တထပ်တည်းကျသော တရားတော်)ကို ရွေးချယ်လိုက်ခြင်းပဲ ဖြစ်တယ်။လို့ လျှောက်ထားခဲ့တယ်။
မွတ်စ်လင်မ်ကျမ်း
အဟ်မဒ်ကျမ်း
ဟဇရသ်မော်လာနာအရ်ှရဖ်အလီထာနဝီဆပ်(ရဟေ့)မိန့်တယ်
အရက်ခွက်ဟာ ပျော်ပါးခြင်းရဲ့ သဘောကို ဆောင်တယ်
ပျားရည်ခွက်ဟာ ဇိမ်ခံခြင်းရဲ့ သဘောကို ဆောင်တယ်
နို့ကတော့ လူသားရဲ့ အဟာရ ဖြစ်သလို ရေငတ်ခြင်းရော ဗိုက်ဆာခြင်းကိုပါ ပြေပျောက်စေတဲ့အတွက် နို့ခွက်ဟာ လူသားနဲ့သင့်မြတ်ပြီး အကျိုးပေးတဲ့ သဘောကို ဆောင်ပါတယ်
ထို့နောက် ကောင်းကင်ခရီး စတင်ခဲ့တယ်
လှေခါး တခု ယူဆောင်လာကြပြီး ကိုယ်တော်မြတ်(ဆွ)ကို ဂျစ်ဗ်ရအီးလ်(အ)က ကောင်းကင်ပေါ်သို့ တက်ရန် လျှောက်ထားလေရာ ကိုယ်တော်မြတ်(ဆွ)ဟာ အဆိုပါလှေခါးနဲ့ တက်လှမ်းသွားတော်မူခဲ့ရင်း မိုး ကောင်းကင်တံခါးဝအထိ ရောက်ရှိခဲ့တယ်
အိဗ်နေအစ်ဟားက်
ထိုလှေခါးကို ဂျန္နသွတ်လ်ဖစ်ရ်ဒေါင်းစ် မှ ယူလာခြင်း ဖြစ်ပြီး လှေကားရဲ့ တဖက်တချက်စီမှာ ဖရစ်ရ်ှသာများ ဝန်းရံထားကြတယ်
ရှရဖေ မွတ်စ်သွဖာကျမ်း
ကအဗ်(ရသွေ့)ရဲ့ ဆင့်ပြန်ချက်မှာ လာရှိတယ်
ထိုလှေခါးရဲ့ လှေခါထစ်များဟာ ရွှေနဲ့ တထစ် ငွေတထစ် ဖြစ်တယ်
မိုးကောင်းကင် ပထမထပ်ကို ရောက်တဲ့အခါမှာ ဂျစ်ဗ်ရအီးလ် (အ)က တံခါး ဖွင့်ဖို့ ပြောတယ်
(တံခါးစောင့် တာဝန်ကျတဲ့)ဖရစ်ရ်ှသာက ဘယ်သူလဲ လို့ မေးတော့ ဂျစ်ဗ်ရအီးလ် ပါ လို့ ဖြေတယ်
ဘယ်သူပါလဲ မေးတော့ မိုဟမ္မဒ် ပါတယ် လို့ ဖြေတယ်
ဖိတ်ခေါ်ခြင်းခံရတာလား လို့ မေးတော့ ဟုတ်ပါတယ် လို့ ဖြေတယ်
ဗိုခါရီကျမ်း
ထိုတံခါးရဲ့ အမည်မှာ ဗာဗွတ်လ်ဟဖဇွဟ် ဖြစ်ပြီး တာဝန်ကျ ဖရစ်ရ်ှသာ ရဲ့ အမည်မှာ အစ်မာအီးလ် ဖြစ်တယ် ထိုဖရစ်ရ်ှသာကြီးရဲ့ လက်အောက်မှာ ဖရစ်ရ်ှသာပေါင်း ၁၂၀၀၀ရှိတယ်။
ဗိုင်ဟကီကျမ်း
ထိုအခါ ဖရစ်ရ်ှသာ များက အလွန်ကောင်းမြတ်သော လာခြင်း ဖြစ်ပါသည်ဟု ပြောပြီး တံခါး ဖွင့်ပေးလိုက်ကြတယ်
ကိုယ်တော်မြတ်(ဆွ)က အမိန့်ရှိတယ်
ကျွန်ုပ် ရောက်သွားသည့်အခါ ဟဇရသ်အာဒမ်(အ)ရှိနေတယ်
ဂျစ်ဗ်ရအီးလ် (အ)က ဒီပုဂ္ဂိုလ်ဟာ ကိုယ်တော့်ရဲ့ ဖခင်ကြီး ဖြစ်ပါတယ် စလမ်ဆက်သပါလို့ ပြောတဲ့အခါ ကိုယ်တော်မြတ်(ဆွ)က ဆက်သလိုက်တယ်
ဟဇရသ်အာဒမ် (အ)စလာမ် ယူတော်မူပြီး မွန်မြတ်လှသော သားတော် မွန်မြတ်လှသော နဗီကြီးကို ကြိုဆိုပါတယ် လို့ ပြောခဲ့တယ်။
ဗိုခါရီကျမ်း
အာဒမ်(အ)ရဲ့ ညာဖက်မှာ ပုံသဏ္ဏန်အချို့ကို တွေ့ရပြီး ဘယ်ဖက်မှာလည်း ပုံသဏ္ဏန်အချို့ကို တွေ့ရတယ်
သခင်ဟာ မိမိညာဖက်ကို ကြည့်ကာ ပြုံးရယ်တော်မူပြီး ဘယ်ဖက်ကို ကြည့်ကာ ငိုကြွေးတော်မူတယ်
ဂျစ်ဗ်ရအီးလ် (အ)က ပြောပြတယ်
ညာဖက်မှာ သခင့်ရဲ့ သားမြေးများအနက်မှ ဂျန္နသီများရဲ့ ဝိညာဉ်များ ဖြစ်ပြီး ဘယ်ဖက်မှာ ဂျဟန္နမီများရဲ့ ဝိဉာဉ်များ ဖြစ်ကြတယ်
ဒါ့ကြောင့် သခင်ဟာ ညာဖက်ကို ကြည့်ကာ ပြုံးရယ်တော်မူပြီး ဘယ်ဖက်ကို ကြည့်ကာ ငိုကြွေးနေခြင်း ဖြစ်တယ်။
ဗိုခါရီကျမ်း
ဟကီမွတ်လ်အွမ္မသ် ဟဇရသ်ထာနဝီဆပ် ရေးသားပြုစုအပ်သော နရ်ှရွတ်သ်သွီးဗ်ကျမ်းမှ ကောက်နှုတ်တင်ပြသည်
ဆက်လက်တင်ပြပါမယ်
ဆရာ စည် သူ အောင်
🌴ဇင်မင်းထိုက် မျှဝေသည်🌴
No comments:
Post a Comment